Ilerden gaýra akypdur salma
Salmanyň boýunda bişipdir alma
Almalar bişsede şeýlebir turşy
Şol ýerde başlandy wakanyň başy
Obanyň çetinde miweli baglar
Tirkeşip ýörenim bezzat çagalar
Baglaryň eýesi Halmyrat Genjim
Çagalar baglara edipdi hüjüm
Genjim aga peýda bolupdy bagda
Men ýazyksyz duryn serdip bärde
Çagalar bagdan boldular sumat
Iýmedik almama iýipdim şapbat
Günäsiz uruldym gyzardy ýaňak
(Dosduň eşek bolsa iyjegiň taýak)
Käte nähaklygyň bolýanyn bildim
Şeýdip çöpleýäň durmuşyň pendin
Ýygymçy gyzlar bezeg güýlere
Gep atan bolardyk uly gyzlara
Meni aljakmy? Diýerdi gyzlar
Ol soragy berýän has uly gyzlar
Olar degişmaniň bilmezdi çenin
Olaryňky oýun seň bolsa çynyň
Akylym...tiz ulal edeýli toýy
Köpüräk iýde ösdür boýyňy
Onsoň köp iýip ýatýaň keserip
Tiz boýuň görýäň aýna seredip
Hyýalyňda sürýäň kakañ ulagyn
Şol deňäp ýörensiň agaň balagyn
Aşagyňa goýup ýasdygyň beýgin
Wah ol gyz saýlapdy ýigitleň birin
Bir gün alyp gider gyzy kejebe
Sen diýersiň gelip aglap ejeňe
Ejejan şeýle bir agyrýar saçym
Ýylgyryp öperde sypaýar başyň
Heniz aldanmany görmändim doglup
Bu niçik ýagdaý bu niçik ahwal
Bu niçiksi duýgy döreýär sowal
Almalar bişsede şeýle bir turşy
Şeýdip geçip gitdi çaga durmuşy
Durmuş agajyndan gaçyp dur ýaprak
Her ýaprak durmuşdan berýärdi sapak
Garaldy murtyň, garaldy sakal
Düşünjäň giňäp artypdy akyl
Höwes bilen sakal syryp her gezek
Her ýaşda bir zada bolýaň höwesek
Indi höwesiň gyzlaryň yşky
Bir aýdym aýdýaň bir ýazýaň goşgy
Obaň bir perisi alypdy erkim
Söýgi ýüregimi goýanok erkin
Sözleri ötgür, häsýeti alçak
Dişleri lowurdar gülende jak-jak
Çeti gyzaranja almalar ýalak
Dişläýin diýdirýär şol alma ýaňak
Ady Ogulkeýik, ýöreýşi keýik
Kamaty pesi-pes, beýigi beýik
Kamata kwap alkymy duw ak
Her göremde tenim gidýärdi dyglap
Ol keýik men bolsa mekir awçy
Sataşan ýerimiz alma agajy
Almalar bişsede şeýle bir turşy
Şol ýerde başlandy söýgi göreşi
Ol ilerden geldi men bärden bardym
Bälçiklik bilen salamym berdim
Diýdim Ogulkeýik söýýärin seni
Geçip gidip barýar äsgermän meni
Sözüm diňlemäni barýardy geçip
Bagryma basdym elinden çekip
Sypynjak bolup urundy derhal
Wah gyzyň güýji ýigide deň däl
Bir salymdan soň bolan deý kaýyl
Seredip durşuma bolupdym maýyl
Boşaşanym bilip sypyndy eli
Şarpykdan ýaňlandy almanyň teýi
Ylgady ileri döşümden itip
Aňkaryp galdym çekgämi tutup
Gygyrdym yzyndan kyn düşer belki
Ýöne sen berybir bolarsyň meňki
Ýigrenç döretdim söýgüniň ýerne
Bagyşlasa bolýa söýenim herne
Wah şo:l ýyllar dälidik, ýaşdyk
Dälilik etdiren şol däli ýaşlyk
Gijeler ukusyz etdim arzuwyn
Bir gün hasyl boldy eden arzuwym
Sähetlimi şol gün ýa-da bisähet
Şol gün söýgüme gelipdim gabat
Bir hepde geçdi bardym şol salma
Ýolmak üçin elim uzatdym alma
Ses geldi aý oglan ynsabyň barmy
Iýmejek bolsaň ýolma almany
Ýokdy sözüň alma degişli ýeri
Bu gürrüňler diňe gyza degişli
Diýdi ýalbarýan gowyja oýlan
Adyma gara çalmagyn oglan
Gyzdan garaşmandym beýle mertlige
Mertlik ýol bermedi şol gödeklige
Ýumşaklylyk bilen diýdim bagyşla
Akmak ýumşaklygyň ýokmydy başda
Kalbymda ökünç baýnumda ýazyk
Gödek hereketler bolupdy näzik
Bagyşladym diýdi Keýigem ýuwaş
Ýumşaklyk bilen gutardy söweş
Şol ýumşaklyk bilen alyşdy sözler
Gezekleşip ogryn bakyşdy gözler
Almalar niçiksi bolsada turşy
Şol ýerde başlandy söýgi durmuşy
Saçlary boýnumda bolupdy towlam
Menem gyz näzin görmedik oglan
Ilkinji posany eçildi ýaşlyk
Şeýlebir tolgundyk sebäbi ýaşdyk
Söýgüden müň heser urupdy sere
Kowladym büdräp ýykyldym ýere
Sen bolsa keýikdeý bökjekläp çöpden
Şeýdibem çetde galmadyk gepden
- Подпись автора
http://gadyrdan.lark.ru/gadyrdanfm.apk ýokarky salgy arkaly siz saýdymyzyň android programmasyny ýükläp bilýäňiz!